समाचार » धनकुटमा धमाधम सुविधायुक्त होटल खुल्दै

###

 ३० फागुन, धनकुटा । पर्यटकीय चहलपहल बढेपछि धनकुटा सुविधायुक्त होटल खुल्ने क्रम बढेको छ । जिल्लाका पर्यटकीयस्थलमा पर्यटक आउने क्रम बढेसँगै होटल खुल्ने क्रम बढेको हो । धनकुटा सदरमुकाममामात्रै हालै तीन दर्जनभन्दा बढी पर्यटक लक्षित होटल र लज खुलेका छन् । पर्यटक आउन थालेपछि यहाँका लगानीकर्ता होटल व्यावसायमा आकषिर्त हुन थालेका छन् । यहाँ रहेका सुरभी, लालीगुराँस, अञ्जुली, गुडविल, दियालो र होटल परिचयले पर्यटक लक्षित सेवा सुविधा दिँदै आएका छन् । आदिवासी जनजातिको वाक्लो बस्ती रहेको धनकुटामा भाषा, संस्कार, संस्कृति, पर्यटकीय सम्पदा हेर्न पर्यटक आउने गरेको होटल लालीगुराँसका सञ्चालक राजु डंगोलले बताए । अहिले धनकुटा र हिले बजारमा २० लाखदेखि दुई करोडसम्मको लगानीमा होटल खुलेका छन् ।

 धनकुटा सदरमुकाममा मात्रै साना ठूला गरेर ५ सय बढी होटल सञ्चालनमा रहेको उद्योग वाणिज्य संघ धनकुटाका अध्यक्ष लालचन्द्र गोङ्गवा तामाङले बताए । धनकुटा बजारमा भन्दा हिले बजारमा पछिल्लो समय अत्याधुनिक होटल खुलेका होटल एसोशिएसन अफ धनकुटाका उपाध्यक्ष हर्कबहादुर राईले बताए । उनले आधुनिक होटलहरु हिले बजारमा खुलेपछि स्वदेशी तथा विदेशी पर्यटकहरुको चाप बढेको दावी गरे । धनकुटा बजार आसपासमा चुलीवन, सल्लेरी वन, ठूलो घर, क्षेत्रीय संग्रहालय, निशानथान देवी मन्दिर र देउराली वन लगायतका पर्यटकीय क्षेत्रहरु रहेका छन् । यी क्षेत्रमा पर्यटकको पहुँच बढाउन विभिन्न कार्यक्रम र प्रचारप्रसार भइरहेको नमस्ते नेपालका अध्यक्ष विजयसन्तोषी राईले बताए । पर्यटकीय क्षेत्रको विकास र विस्तार गर्ने कार्यक्रम बढ्दै गएपछि होटल व्यवसायमा लगानीकर्ताहरु आकषिर्त भएको उद्योग वाणिज्य संघ धनकुटाका अध्यक्ष गोङ्वा तामाङ्गले बताए ।


 भेडेटारमा पनि होटल थपिँदै देशकै चर्चित पर्यटकीय स्थलमध्येको भेडेटारमा पनि नयाँ होटल खुल्ने क्रम बढेको छ । तराईका जिल्लाको मुख्य गन्तव्य भेडेटारमा पर्यटकको संख्या बाक्लिँदै जाँदा होटलहरुको संख्यामा पनि बृद्धि भएको छ । भेडेटारमा अन्तरिक तथा बाहृय पर्यटकहरुको संख्या बढ्न थालेपछि होटल खुल्ने क्रम तीब्र भएको होटल एसोसिएसन अफ भेडेटारका सचिव जितेन्द्र रुम्दालीले बताए । भेडटारमा खाने बस्ने व्यवस्था भएका होटलको संख्या दुई दर्जन बढी छ । केही होटलहरु निर्माणाधीन अवस्थामा छन् । सुविधायुक्त होटल बनेपछि विराटनगर, इटहरी र धरानमा गरिने गोष्ठी, सेमिनार र तालिम भेडेटारमा हुन थालेका छन् । होटल पाउन एकहप्ता अघि नै बुकिङ गर्नुपर्ने एशोसियसन भेडेटारका सचिव रुम्दालीले बताए । भेडेटारमा आन्तरिक तथा बाहृय पर्यटकबाट दैनिक १० लाख बराबरको आर्थिक कारोबार हुने गरेको व्यवासायीहरु बताउँछन् । पछिल्लो समय पर्यटकीय क्षेत्रको विकास र विस्तार गर्ने कार्यक्रम बढेपछि धनकुटाका पर्यटकीय गन्तव्य मानिएका हिले, पाखि्रबास, सिधुँवा, राजारानी, डाँडाबजारलगायत क्षेत्रमा पनि अहिले नयाँ होटल खुल्ने क्रम बढेको छ ।
####

0 comments

Write Down Your Comment