समाचार » 'दाहालको अनुहार पनि देखिएन'

###

काठमाडौ, कार्तिक ९ - सिरहा- सिरहा क्षेत्र नं. ५ बाट उम्मेदवारी दिएका एमाओवादी अध्यक्ष पुष्पकमल दाहालको स्वागतका लागि बसेका उनका मतदाताले राम्रोसँग अनुहार हेर्न पनि पाएनन् ।

भोट माग्न आएका दाहाल यति हतारमा थिए कि एउटा सभामा १० मिनेटभन्दा बढी बस्न भ्याएनन् । दाहालले मतदाताको गुनासो सुनेनन् । बरु गोलमटोल भाषामा भने, 'म सिरहाको खानेपानी, बिजुली, बाटो घाटो, उद्योग कलकारखानाहरुको स्थापना भएर विकासको गति नलिएसम्म सिरहा छाडि्दन ।'
दाहालले सिरहाबाट पहिलो कार्यकारी राष्ट्रपति वा प्रधानमन्त्री बनेर जिल्लाको विकास दिन पनि भ्याए ।
शुक्रवार सिरहा आएका दाहालले मुक्सार, जमदह, लालपुर र मुसहर्नियामा गाउँस्तरीय सभालाई सम्बोधन गरेका थिए । गाउँलेहरु आफ्नो दुःख सुख सुनाउने उदेश्यले भेटेर कुरा गर्न चाहेपनि अध्यक्ष दाहालले कुनै मतदातासँग कुरा गरेनन् ।
गाउँमा पुग्ने वित्तिकै माइक लिएर सभालाई सम्बोधन गर्न लाग्थे । र सम्बोधन पश्चात कुनै मतदातासँग कुृरै नगरी पुनः अर्को गाउँको सभा सम्बोधन गर्न हतार हतार कालो सिसा लगाइएको गाडीमा चढेर हुइंकिन्थे ।
दाहालसँग भेटेर सुख दुखका कुरा गर्छु भनेर सोचेकी चन्द्रलालपुर ८ की फूलमतियादेवी यादवले भनिन्, 'प्रचण्डको मुख पनि हेर्न सकिन्न । सुख, दुःखको कुरा त परै जाओस् ।' उनले भनिन्, 'चुनावी सभा भएको ठाउमा भेट नहुँदा आफ्नै घर अगाडि उभिरहे । तर धुलो उडाउदै आएका दर्जनौं गाडी र सयौं मोटरसाइकलको लामले पुनः धुलो उडाउँदै फर्के । एकछिन त गाउँ नै धुलोले अंध्यारो भए जस्तो भयो ।

####

0 comments

Write Down Your Comment